சாட்சிகள்

உங்கள் அறிவிப்பு கடிதம் வந்தபோது, இயேசு ஊழியங்களுக்கு கொடுக்க வேண்டும் என்ற மிகுந்த வாஞ்சையினால் என் இருதயம் நிரம்பிற்று. நான் விதைப்பதற்கான விதையைக் கொடுக்கும்படி கர்த்தரிடம் ஊக்கமாக மன்றாடினேன். அந்த வாஞ்சை என்னில் மிக வலுவாக இருந்தது – நான் ஜெபிப்பதோடு நிறுத்தாமல், விசுவாசத்தில் ஒரு அடியும் எடுத்து வைத்தேன். சென்ற மாதம், ஒரு வாக்குறுதி செய்யும்படி கர்த்தர் என்னை ஏவினார்: ஏறக்குறைய என் வயதிற்கு (45) சமமான 4,500 பிலிப்பைன் பீசோ தொகையை ஊழியத்திற்கு கொடுக்க அர்ப்பணித்தேன். அது என் வாழ்க்கையை மட்டுமல்ல, உங்கள் ஊழியம் நடைபெற்ற வருடங்களையும் கொண்டாடுவதாக எடுத்துக்கொண்டேன்.
நான் முற்றிலும் விசுவாசத்தில் வாழ்ந்து வந்தபடியால், அந்த சமயத்தில் அவ்வளவு பெரிய தொகையை எப்படி சம்பாதிப்பேன் என்று எனக்கு தெரியவில்லை. இருப்பினும், என் இருதயத்தின் ஆழத்தில், நான் வாக்குப்பண்ணினதை அவரே எனக்கு அருளிச் செய்வதாக கர்த்தரிடமிருந்து வந்த உறுதிப்பாட்டை உணர்ந்தேன். அவருடைய நன்மைத்தன்மையும், உண்மையும் ஒருபோதும் தவறுவதில்லை! அவர் அருளிச் செய்வார் என்று என் இருதயம் காத்திருந்த எனக்கு என் பிறந்தநாளுக்கு இரண்டு நாட்களுக்கு முன்பு கர்த்தர் முழு தொகையையும் அருளிச் செய்தபோது, நான் வியப்பில் ஆழ்ந்துவிட்டேன். என்னுடைய சூழ்நிலையில் சாத்தியமற்றதாகத் தோன்றிய ஒன்று நடந்தது, ஏனென்றால் அவரால் எல்லாம் கூடும். மகிமையும், கனமும் நம் தேவனுக்கே உரியது!

உங்கள் ஊக்கமான ஜெபங்களுக்கு நன்றி. கிருபையுள்ள நம் தேவன் உங்கள் ஜெபங்களைக் கேட்டு, என் இரண்டு மகள்களுக்கும் அருமையான வாழ்க்கை துணைகளை கொடுத்து ஆசீர்வதித்திருக்கிறார். என் மகள்களின் வாழ்க்கையில் தேவன் செய்த வல்லமையான அற்புதத்திற்காக அவரை துதிக்கிறேன். அதற்கு காரணம் உங்கள் ஜெபங்களே!

சில நாட்களுக்கு முன், என் இருதயத்தில் அளவுக்கு அதிகமான ஒரு பாரத்தை உணர்ந்தேன். கர்த்தர் என்னை சுகமாக்கினார். மனதில் கடுமையான போராட்டம் ஏற்பட்டபோது, என் மனதை குணமாக்கும்படி கர்த்தரிடம் கேட்டேன். கர்த்தர் உங்கள் ஜெபத்தைக் கேட்டு என்னை சுகமாக்கினார். எனக்கு மிகுந்த சமாதானம் உண்டானது. கர்த்தருக்கு ஸ்தோத்திரம்.

ஒரு கூடுகைக்கு வரும்படி இன்னொரு பள்ளி முதல்வரிடமிருந்து எனக்கு ஒரு அழைப்பு வந்தது. அங்கு போனால், எவ்வித கற்பிக்கும் தேர்வும் இல்லாமல் ஒரு வேலைக்கு என்னைத் தேர்வு செய்தார்கள்! சம்பளமும் முந்தினதை விட இரு மடங்கு அதிகம். இந்த புதிய வேலைக்காக தேவனுக்கு நன்றி.

என் மகனின் 10-ம் வகுப்பு அரசுத் தேர்வுக்காக ஜெபித்ததற்கு நன்றி. அவன் 83% மதிப்பெண்களுடன் ‘A’ க்ரேட்-ல் தேர்ச்சி பெற்றிருக்கிறான். தேவனுக்கே மகிமை!

உங்கள் ஜெபங்களுக்காக இருதயத்தின் ஆழத்திலிருந்து நன்றி சொல்கிறேன். என் இருதயத்தில் இருக்கும் அடைப்பைப் பற்றி கண்டறிய எனக்கு ஆஞ்சியோகிராம் செய்யப்பட்டது. தேவனுடைய இரக்கத்தினால், அங்கு அடைப்பு இல்லை! ஒரு சிறு புண் மட்டுமே இருப்பதால் ஸ்டென்ட் வைக்க வேண்டிய அவசியமும் இல்லை, தேவன் அருளிய தெய்வீக சுகத்திற்காக அவருக்கு துதியும் நன்றியும் செலுத்துகிறேன்!

உங்கள் ஜெபங்களுக்கு நன்றி. “என் சகோதரனின் பிரச்சனைகளை கர்த்தர் தீர்ப்பார் என்றும், தேவன் அவரை விடுவிப்பார், அவர் தேவனை மகிமைப்படுத்துவார்” என்றும் நீங்கள் தீர்க்கதரிசனமாக சொன்னீர்கள். இந்த வார்த்தை எங்களுக்கு மிகுந்த ஆறுதலும், உற்சாகமுமாய் இருந்தது. என் சகோதரனுக்கு வழக்கில் வெற்றி கிடைத்தது, தேவனுடைய விடுதலையை உணர்வுபூர்வமாகவும், சரீரத்திலும், பொருளாதாரத்திலும் அனுபவித்து வருகிறோம். அவருடைய நாமத்திற்கு மகிமை!

உங்கள் ஊழியத்திற்கு ஒரு ஜெப விண்ணப்பத்தை அனுப்பியிருந்தேன், உண்மையுள்ள நம் தேவன் அதற்கு பதிலளித்தார். மேலான நிபந்தனைகள் மற்றும் பலன்களுடன் புதியதொரு ஒப்பந்தத்தில் கையொப்பமிட்டிருக்கிறேன் என்பதை மகிழ்ச்சியுடன் தெரிவித்து கொள்கிறேன். என்மீது இரக்கம் காண்பித்த சர்வவல்லமையுள்ள தேவனுக்கே எல்லா மகிமையையும் செலுத்துகிறேன்.

உங்கள் ஊழியத்திற்கு ஒரு ஜெப விண்ணப்பத்தை அனுப்பியிருந்தேன், உண்மையுள்ள நம் தேவன் அதற்கு பதிலளித்தார். மேலான நிபந்தனைகள் மற்றும் பலன்களுடன் புதியதொரு ஒப்பந்தத்தில் கையொப்பமிட்டிருக்கிறேன் என்பதை மகிழ்ச்சியுடன் தெரிவித்து கொள்கிறேன். என்மீது இரக்கம் காண்பித்த சர்வவல்லமையுள்ள தேவனுக்கே எல்லா மகிமையையும் செலுத்துகிறேன்.

நழுவிய என் தோள்பட்டையையும், வலியுள்ள என் முழங்காலையும் அறுவை சிகிச்சையின்றி சுகமாக்கிய பிதாவாகிய தேவனுக்கு நன்றி நிறைந்த இருதயத்துடன் நன்றி செலுத்துகிறேன்! இது ஜெபத்திற்குக் கிடைத்த பதில். சகல துதியும் மகிமையும் தேவனுக்கே!

மைசூரில் உள்ள ஒரு ஃபார்மசூடிக்கல் நிறுவனத்தில் எனக்கு ஜூனியர் ட்ரக் சேஃப்டி அசோஷியேட் வேலை கிடைத்திருக்கிறது. உங்கள் ஊக்கமான ஜெபத்திற்கு நன்றி!

தேவன் உங்கள் ஜெபங்களைக் கேட்டார். இப்போது நான் சுகமாக இருக்கிறேன், இனி மருத்துவ சிகிச்சை தேவையில்லை. வல்லமையுடைய நம் தேவனுடைய கிருபையால் நான் சுகம் பெற்றேன்.

கர்த்தர் எனக்கு ஒரு ஆண் பிள்ளையைக் கொடுத்து ஆசீர்வதித்திருக்கிறார் என்பது உங்களுக்குத் தெரிவிக்க விரும்புகிறேன். நம் ஜெபங்களுக்கு பதில் கொடுத்த ஆண்டவராகிய இயேசுவுக்கு நன்றி செலுத்துகிறேன், உங்கள் ஜெபங்களுக்கு நன்றி.

உங்கள் ஜெபங்களுக்கு நன்றி. நீங்கள் சட்டரீதியான என் பிரச்சனைகள் தீரவும், பொருளாதார ஆசீர்வாதம் உண்டாகவும் ஜெபித்தீர்கள். தேவன் பதில் கொடுத்தார். அவர் என் பொருளாதாரத் தேவைகள் அனைத்தையும் சந்தித்தார், நான் வெற்றிகரமாக வழக்கிலிருந்து வெளியே வந்தேன். தேவனுக்கே மகிமை!

என் இளைய மகனுக்கு நரம்பியல் வளர்ச்சி குறைபாடு இருக்கக் கூடாது என்று ஜெபிக்கும்படி கேட்டிருந்தேன். தேவன் நம் ஜெபங்களைக் கேட்டார் – அவனுடைய வளர்ச்சியின் மைல்கற்கள் நன்றாக இருக்கின்றன. இந்த கடினமான நேரத்தில் உங்கள் ஜெபங்களில் நான் உணர்ந்த உங்கள் ஆதரவுக்காக நன்றி.

உங்கள் பிரார்த்தனைகளுக்கு என் இதயத்தின் ஆழத்திலிருந்து நன்றி. என் தமனியில் அடைப்பை சரிபார்க்க எனக்கு ஆஞ்சியோகிராம் செய்யப்பட்டது. கர்த்தர் கிருபையால், அடைப்பு கரைந்துவிட்டது! இப்போது ஒரு புண் மட்டுமே உள்ளது, மேலும் ஸ்டென்ட் தேவையில்லை. அவரது தெய்வீக குணப்படுத்துதலுக்காக நான் கடவுளைப் புகழ்ந்து நன்றி கூறுகிறேன்!

என் மகளின் சுகத்தை குறித்த என் ஜெப விண்ணப்பத்தைக் கேட்ட கர்த்தருக்கு ஸ்தோத்திரம். அவளுக்கு ஹார்மோன் சமநிலையின்மை இருந்ததால் ஆறு மாதங்களாக மாதவிலக்கு வரவில்லை. அவளுக்கு 27 வயதாகியும் இன்னும் திருமணமாகவில்லை. உங்கள் ஜெபத்திற்குப் பின் அவளுக்கு மாதவிலக்கு வரத் தொடங்கியிருக்கிறது. தேவனுடைய சுகமாக்கும் வல்லமைக்காக அவருக்கே மகிமை!

என் சகோதரி மகனின் உடல் சுகத்திற்காக ஜெபிக்கும்படி கேட்டிருந்தேன். தேவனுடைய இரக்கத்தினால், அவன் முற்றிலும் சுகமடைந்து, இறுதி தேர்வு எழுதினான். அதோடு, என் கர்ப்பப்பையில் உள்ள கட்டி சுகமாகவும் ஜெபிக்கக் கேட்டிருந்தேன். ஸ்கேன் செய்து பார்த்தபோது, என் கர்ப்பப்பையில் கட்டியே இல்லை என்று வந்தது! உங்கள் ஜெபங்களுக்காக நன்றி. என் ஆண்டவராகிய இயேசுவின் இரக்கத்திற்காக அவருக்கு நன்றி. எல்லா மகிமையையும் நம் கர்த்தருக்கே செலுத்துகிறேன்.

பல வருடங்களாக உங்கள் ஊழியத்தை பின்பற்றி வரும் நான் உங்களை என் ஆவிக்குரிய தகப்பனாக கொண்டு மகிழ்கிறேன். உங்கள் போதனைகள் என் வாழ்க்கையில் ஆழமான தாக்கத்தை ஏற்படுத்தி இருக்கின்றன, அவற்றை நான் பெரிதும் மதிக்கிறேன்.

எனக்கு நியாயமான சம்பள உயர்வு கிடைக்க வேண்டும் என்பதற்காக ஜெபிக்க சொல்லி ஜெபக்குறிப்பு அனுப்பி இருந்தேன். தேவகிருபையினால், 23,000 ரூபாய்க்கு பதில் 32,000 ரூபாய் கிடைத்தது. தேவனுடைய ஏராளமான ஆசீர்வாதத்திற்காக அவருக்கே மகிமையும் கனத்தையும் செலுத்துகிறேன்.

எனக்காக ஜெபிக்கும்படி ஈமெயில் மூலம் கேட்டிருந்தேன், கடந்த ஒன்பது மாதங்களாக விபச்சாரம் மற்றும் போதைப் பொருட்களிலிருந்து விடுதலை பெற்றிருக்கிறேன் என்பதை பகிர்ந்துகொள்வதில் மிகுந்த மகிழ்ச்சியடைகிறேன். ஆண்டவராகிய இயேசுவிடம் ஜெபத்தில் என்னை தாங்கியதற்காக நன்றி. அவர் கொடுத்த விடுதலைக்காக என்றென்றும் நன்றியுள்ளவனாக இருப்பேன்.

ஒரு பிள்ளையை இழந்ததும், இன்னொரு பிள்ளையின் ஆசீர்வாதத்திற்காக ஜெபிக்கும்படி கேட்டு உங்களுக்கு எழுதினேன். எங்கள் வாழ்க்கையில் சர்வவல்லமையுள்ள தேவனுடைய நன்மைக்காகவும் பிரசன்னத்திற்காகவும் அவருக்கு நன்றி – அவர் நம் ஜெபத்தைக் கேட்டார்! எங்களோடு சேர்ந்து கர்த்தருடைய பாதத்தில் கதறியதற்காக நன்றி. இப்போது என் வயிற்றில் ஒரு பிள்ளை இருக்கிறது, அந்த பிள்ளை கடைசிகால தீர்க்கதரிசியாக இருக்கும் என்று அறிவிக்கிறேன்.

நல்லவரும் கிருபையுள்ளவருமான நம் ஆண்டவர் இயேசு கிறிஸ்துவினால் நான் உயர் மதிப்பெண்கள் பெற்றேன். அந்த மதிப்பெண்களைக் குறித்து எனக்கு சந்தோஷம் இருந்தாலும், அதைவிட மேலாக, என் மீதான கர்த்தருடைய இரக்கத்தையும், நிபந்தனையற்ற அன்பையும் குறித்து மிகுந்த ஆனந்த சந்தோஷமடைகிறேன். நல்ல மதிப்பெண் பெற வேண்டும் என்றுதான் முயற்சி செய்தேன், அவரோ எனக்கு வகுப்பிலேயே முதல் இடத்தைக் கொடுத்தார். உங்கள் ஜெபங்களுக்கு நன்றி.

மூன்றாம் வருடம் கல்லூரி படிப்பில் எனக்கு ஒரு உயர்வு கிடைத்தது. இந்த சாதனையில் உங்கள் ஜெபங்களுக்கும் ஆதரவுக்கும் குறிப்பிடத்தக்க பங்கு உண்டு என்பதை உண்மையாகவே நம்புகிறேன். நீங்கள் கொடுத்த உற்சாகம் முன்னேறி செல்லும்படி என்னை பலப்படுத்தி, ஊக்குவித்தது. என் மீது நீங்கள் வைத்திருக்கும் நம்பிக்கைக்காக சொல்லமுடியாத அளவுக்கு நன்றியுள்ளவனாக இருக்கிறேன்.

“கழுகுகளைப் போலக் காத்திரு” என்னும் உங்கள் புத்தகத்தை வாசித்து முடித்தேன், அது எனக்குள் ஏற்படுத்திய வாஞ்சையையும், ஆவிக்குரிய ஏக்கத்தையும் என்னால் முழுமையாக வெளிப்படுத்த முடியாது. இந்த புத்தகம் மெய்யாகவே என் கண்களைத் திறந்தது. அற்புதங்கள் நிறைந்த ஒரு பொன் சுரங்கத்தில் தவறி விழுந்ததாக உணர்கிறேன். இப்போது தினமும் இரவு நேரத்தில் கர்த்தருக்குக் காத்திருக்க அர்ப்பணிக்கிறேன். உங்கள் வார்த்தைகள் என் தீர்மானத்தை உறுதிப்படுத்தி இருக்கின்றன. தேவன் உங்களை அபரிவிதமாக ஆசீர்வதிப்பாராக.

அன்பான போதகர்களாகிய நீங்கள் பகிர்ந்து கொண்ட பல சூழ்நிலைகளில் நான் இருந்திருக்கிறேன். உங்கள் போதனைகள் தெளிவையும் உறுதியையும் கொடுத்து, தேவனுடைய செய்தியை எளிதில் விளங்கிக்கொண்டு கைக்கொள்ள உதவுகின்றன. விலையேறப்பெற்ற இந்த பாடங்களைக் கற்றுக்கொடுத்ததற்காக நன்றி. அவைகளை அறிந்திருக்காவிட்டால் தேவனுடைய சத்தத்தை அறிவது கடினமாக இருந்திருக்கும்.

கடுமையான இருதய, நுரையீரல் மற்றும் கல்லீரல் பிரச்சனைகளால் அவதிப்பட்ட என் சகோதரிக்காக ஜெபிக்கும்படி கேட்டிருந்தேன். எங்களுக்காக நீங்கள் ஜெபித்த அடுத்த நாளே தேவன் நம் ஜெபங்களுக்கு பதில் கொடுத்தார். மருத்துவர்கள் அவருடைய சரீரத்தில் ஒரு பிரச்சனையும் இல்லை என்று கண்டு, எல்லாம் நன்றாகிவிட்டது என்றார்கள். அவர் தன் சாட்சியை சந்தோஷமாக என்னிடம் பகிர்ந்து கொண்டார். நானும் அவருடைய சந்தோஷத்தை பகிர்ந்துகொள்கிறேன். இதுவரை, எங்கள் வாழ்க்கையில் தேவன் செய்த நன்மையை சாட்சியாக அறிவித்து வருகிறோம்.