சாட்சிகள்

உங்கள் புத்தகங்களும் போதனைகளும் என் வாழ்க்கையை மாற்றியிருக்கின்றன. இயேசு அதிசீக்கிரமாக வரும் காலம் இதுவே என்றும், மனந்திரும்பி, நீதியும், பரிசுத்தமும் உள்ளவர்களும், கறையற்றவர்களும், இருதயத்தில் பெருமையற்றவர்களுமாக வாழுங்கள் என்றும் சொன்னீர்கள். உங்கள் போதனைகள் எனக்கு ஆசீர்வாதமாகவும், உதவியாகவும் இருக்கின்றன. என்னுடைய ஆவியின் எழுப்புதலுக்கு நீங்கள் அதிகம் உதவி வருகிறீர்கள்.

எனக்கு சம்பள உயர்வு கிடைக்க ஜெபிக்கும்படி கேட்டு எழுதியிருந்தேன். அதோடு, எனக்கு உயர்வு கிடைத்ததும், இயேசு ஊழியங்களுக்கு அனுப்பும் மாதாந்திர காணிக்கையையும் கூட்டிக் கொடுப்பதாக பொருத்தனை செய்தேன். கர்த்தராகிய இயேசுவுக்கு நன்றி, ஏழு வருடங்களாக பிள்ளையற்ற மலடியாக இருந்த எனக்கு ஒரு குழந்தையைக் கொடுத்த அதே நாளில் தேவன் பதவி உயர்வும் அருளிச் செய்தார்.

நல்ல சம்பளத்துடன் கூடிய வேலைக்காக ஜெபிக்கும்படி கேட்டு உங்களுக்கு எழுதியிருந்தேன். நான் எதிர்பார்க்காத அளவிற்கு நல்ல வேலையும், சம்பள உயர்வும் கிடைத்தது.
என்னுடைய தசமபாகங்களும், காணிக்கைகளும் சரியான இடத்தில், நல்ல நிலத்தில் சென்று சேருவதைக் குறித்து மிக்க மகிழ்ச்சி. உங்கள் ஜெபங்களுக்கு நன்றி.

நான் தீர்க்கதரிசி சாது அவர்களை அறிந்ததைக் குறித்து மிகுந்த நன்றியுணர்வுடன் உள்ளேன், அதனால் என்னில் நிறைய மாற்றங்கள் ஏற்பட்டிருக்கின்றன, வாழ்க்கையைக் குறித்த என் கண்ணோட்டம் மாறியிருக்கிறது. ஜீவனுள்ள மெய்யான தேவனைப் பின்பற்றுவதைப் பற்றிக் கற்றுக் கொள்ள இன்னும் ஏராளம் உண்டு.

என் தகப்பனார் மதுபான அடிமைத்தனத்திலிருந்து விடுதலை பெற ஜெபிக்குமாறு கேட்டு உங்களுக்கு எழுதியிருந்தேன். உங்கள் வல்லமையான ஜெபங்களுக்கு நன்றி. இப்போது என் தகப்பனார் மதுபான அடிமைத்தனத்திலிருந்து விடுதலை பெற்றிருக்கிறார். அல்லேலூயா!
“ஆசரிப்புக்கூடாரத்தின் ஜெப இரகசியம் (Prayer Secret in the Tabernacle)” என்ற உங்கள் புத்தகத்தை வாசித்ததிலிருந்து தேவன் என்னுடன் பேசி கர்த்தரோடு நெருங்கிய ஐக்கியம் கொள்ளும்படிச் செய்திருக்கிறார். உங்கள் புத்தகங்களுக்காக நன்றி.

உங்கள் மின்-புத்தகம் எனக்கு மிகுந்த ஆசீர்வாதமாக இருந்தது. எப்படி ஜெபிக்க வேண்டும் என்பதைப் பற்றி இந்தப் புத்தகத்தில் சொல்லப்பட்டிருப்பதைச் செய்யும்போது என் ஜெபங்கள் கேட்கப்படும் என்பதை அறிந்து கொண்ட எனக்கு மிகுந்த சந்தோஷமும், சமாதானமும் உண்டாயிற்று. பிதா நம்மை அதிகமாக நேசிப்பதால், நாம் தம்முடைய சித்தத்தின்படி ஜெபிக்க வேண்டும் என்பதற்காக இந்த சத்தியங்களை வெளிப்படுத்துகிறார் என்ற உண்மையை அறிந்த என் இருதயம் இப்போது களிகூருகிறது. இந்த மின்-புத்தகத்தில் உள்ள எல்லா சத்தியங்களையும் நான் பின்பற்றுவேன்.

என் திருமணத்திற்காகவும், அதற்கான பொருளாதாரத் தேவைகள் சந்திக்கப்படவும் ஜெபிக்குமாறு கேட்டு எழுதியிருந்தேன். கர்த்தருடைய கிருபையினால், எந்தத் தடையும் இன்றி தேவபக்தியுள்ள ஒருவருடன் என் திருமணம் சமாதானமாக நடந்தது. நீங்கள் எனக்கு எழுதிய பதிலில் குறிப்பிட்டிருந்த வாக்குத்தத்தத்தின்படியே நடந்தது. தேவன் எனக்கு ஒரு போதகரைக் கணவராகக் கொடுப்பார் என்று நான் எதிர்பார்க்கவேயில்லை, என் கணவரும் ஜெபிக்கும் ஒரு வாழ்க்கைத்துணை கிடைக்க வேண்டுமென்று 44 ஆண்டுகள் ஜெபத்துடன் காத்திருந்தார். சர்வவல்லமையுள்ள தேவனுக்கு சகல மகிமையும் உண்டாவதாக.

உங்களுடைய போதனைகளும், வழிகாட்டல்களும், ஜெபங்களும் எனக்கு மிகுந்த ஆசீர்வாதமாக உள்ளன. உங்கள் போதனைகளைக் கேட்கத் தொடங்கியதில் இருந்தும், SOP நைஜீரியா கூடுகையில் கலந்து கொண்டதிலிருந்தும் கர்த்தரை ஆழமாக அறிந்து வருகிறேன். SOP-யில் நீங்கள் மிகுந்த வாஞ்சையுடனும், அன்புடனும் கற்றுக் கொடுத்தீர்கள். உங்களையும், உங்கள் போதனைகளையும், அறிவுரைகளையும், தீர்க்கதரிசனங்கள் அனைத்தையும் முழுமனதுடன் நம்புகிறேன். SOP நைஜீரியாவில் கர்த்தர் எங்கள் வாழ்க்கையில் என்னவெல்லாம் செய்வார் என்று சொன்னீர்களோ அவற்றையெல்லாம் விசுவாசித்துப் பெற்றுக் கொண்டேன்.

சரீர சுகத்திற்காக ஜெபிக்கும்படிக் கேட்டிருந்த நான் இயேசுவின் மூலம் சுகம் பெற்றுக்கொண்டேன். என் உதிரப்போக்கு நின்றுவிட்டது. இயேசு என்னை சுகமாக்கியிருக்கிறார். எல்லா மகிமையும் இயேசுவுக்கே.